何謂「GAG」? 何謂「爛GAG」?

剛剛上網摷到。希望可以比一眾樂於GAG道之人士一個參考:

GAG

資料取材自<<香港網絡大典>>

歌詞比較續集

原來呢3首歌聽落個FEEL都幾似喎：

愛情萬歲
作曲：劉祖德
填詞：林若寧
編曲：蔡德才@人山人海
監製：蔡德才@人山人海


愛情存在輿論性
承受這批鬥與你笑著革命
市內全民皆兵 聽著流言之聲
我若能擁抱你已是險勝
受盡炮轟任由戀愛沒有世界共鳴
維持著愛護與尊敬
未怕沒有親友贈興
*寧願犧牲也與你以愛捐軀
從歷史中見證這轟烈一對
愛到倒下去 浮沉是非中一對伴侶
謠言裏 人潮裏
尋求我幸福至少無罪
那怕走得再崎嶇
言論之中去見證愛情萬歲
未似對正常情侶
你我縱是殘餘弱旅 頑抗愛下去*
愛情長路如絕嶺
無論傷口再中箭也未怨命
世上如何孤清 對望仍然溫馨
都不可封殺戀之風景
Repeat *
彼此不必世界的嘉許
只想講生命至少也許
每人亦有最珍惜伴侶
旁觀的怎麼拼命插嘴 潑下冷水



命硬
作曲：側田　
填詞：黃偉文
編曲：Ted Lo
監製：雷頌德


她反對就反對　亦都跟你愛下去
猶如在大戰炮火裡　毫無懼色衝過去
誰狂怒　誰攔路　誰話我共誰不登對
無能力與霸權比賽　還是可比他多老幾歲
二百年後再一起　應該不怕旁人不服氣
團圓或者晚了廿個十年　仍然未捨棄
換個時代再一起　等荊棘滿途全枯死
這繁忙很悠長　亦決心等到你　等得起（撐到尾）
先　殉了情不對　未反擊過已後退
寧憑著　耐性與骨氣　維持自尊撐過去
誰強韌　誰長壽　誰便算勝利擊不碎
仍然共你企在這裡　挨著當身邊指控死去
二百年後再一起　應該不怕旁人不服氣
誰人又可控訴廿個十年　仍然未捨棄
換個時代再一起　等荊棘滿途全枯死
這繁忙很悠長　撐到尾
就算憑病玩失憶　都爭口氣　從旁保護你
頑強地等再過廿個十年　當整個世界換風氣
力竭還是再一起　這種堅決無人可比
看戰事多悠長　亦決心打到尾　心不死



阿門
作曲：伍樂城
填詞：林夕
編曲：伍樂城
監製：伍樂城


我不覺得　熱戀中的你存心去玩
大家都針對你　一起感嘆　情侶是我揀
我只覺得　大家得不到才對你紅著眼
甚麼很濫　甚麼不濫　真愛是拆不散
入夜後讓你我　說聲阿門　記得我們
落力結伴　隨時隨地一雙成對
有心人更不滿
即使我們錯　不比他們多
太愛你也許會難過
回頭恨你　又是否好結果
不想我難過　除非肯答應我
明年今夜至少跟我
自助餐上同坐　唱活一首情歌
求大家給你認錯
愛你愛到往日朋友不敢分享
當然不敢想像你會感激鼓掌
如若偏袒得到回報　但願我值得拿勛章
我不覺得　用心相擁會全身糜爛
大家都審判你　天不開眼　遊戲任你玩
我只覺得　幸福不需要全世界來盛讚
漫天子彈　朦起雙眼　
都會為你分擔
入夜後讓你我　說聲阿門　記得我們
落力結伴　隨時隨地一雙成對
我依然會自滿
即使我們錯　不比他們多
太愛你也許會難過
回頭恨你　又是否好結果
不想我難過　除非肯答應我
明年今夜至少跟我
自助餐上同坐　唱活一首情歌
求大家給你認錯

朋友，勇敢地愛吧！！

NTRP (National Tennis Rating Program)

偶然喺網上搵到嘅標準:

分級標準——美國NTRP (National Tennis Rating Program)

1.0
特徵： 初學者（包括第一次打網球的人）。

1.5
特徵： 打球時間不長，還只顧得上把球來回打起來。

2.0
正手： 揮拍動作不完整，不容易控制擊球方向。
反手： 不願意用反手接球，偶爾接一下也感覺沒有把握。
發球/接發球： 發球動作不完整，抛球不穩定，經常雙誤；接發球容易失誤。
網前： 還沒有主動上網的意識，不會用反手截擊，網前腳步跟不上。
特徵： 雖然正、反手都有明顯弱點，但已初步瞭解單、雙打中的基本站位。

2.5
正手： 動作有所改進，開始能夠慢節奏對攻。
反手： 握拍還有問題，擊球準備不夠早，喜歡用正手去接本該反手接的球。
發球/接發球： 揮拍動作趨於完整，可以發出速度慢的好球，抛球仍不穩定；能接好速度不快的發球。
網前： 網前感到不舒服，尤其是反手截擊，經常用正手拍面打反手位截擊。
特徵： 與水平相當的人能打出幾個回合的慢速對攻，但還難以覆蓋整個場地。能主動挑高球，但還不能控制球的高度和深度；能打到過頂球，但對能否打好沒有把握。雙打中還不會調整站位。

3.0
正手： 有較好的穩定性，也基本能控制方向，但還缺乏擊球深度。
反手： 能提早準備，可以打出比較穩定的中速球。
發球/接發球： 發球的節奏感開始出來了，但大力發球時穩定性差，二發明顯慢于一發；接發球比較穩定。
網前： 正手截擊已經比較穩定，反手差一些，對低球和遠身球還很頭疼。
特徵： 已經能打出比較穩定的中速球，但並不是每一拍都很舒服。在控制擊球的深度和力量時還顯得力不從心。能挑出比較穩定的高球。雙打中與同伴的戰位元組合基本上是一前一後，上網還不積極，網前攻擊力也不強。

3.5
正手： 能打出穩定而有變化的中速球，能很好地控制擊球方向，上旋球水平提高。
反手： 回中速球時能控制方向，但還處理不好高球、快球。
發球/接發球： 開始能控制落點並加力，也能發出上旋球；能穩定地接中速發球並控制回球方向。
網前： 上網更積極，步伐正確，能截擊部分遠身球。正手截擊穩定，反手還不理想。接對方的截擊球還有困難。
特徵： 對中速球的方向控制已經不錯，但擊球的深度和變化還不夠。能在跑動中穩定地回擊過頂球，開始能隨球上網、放小球和打反彈球。二發基本能控制落點。雙打中網前更積極，對場地的覆蓋和與同伴的配合能力也在提高。

4.0
正手： 擊球已經有相當的把握，回擊中速球有深度，能對付難接的球。
反手： 能穩定地回擊中速球，能加上旋，也有深度。
發球/接發球： 一發和二發都能控制落點，一發力量大，能帶旋轉發球；接發球穩定，極少出現主動失誤；單打接發球有深度，雙打接發球能根據需要而變化。
網前： 正手截擊能夠控制並有深度，反手截擊有方向但缺乏深度，學會截擊遠身球和低網球。
特徵： 已能打出有把握的中速正、反手邊線球，也能控制擊球的深度和方向。能夠抓住機會或是對手的弱點打出得分球。已經會使用挑高球、放小球和截擊技術，而且其中有些球能夠得分。發球偶爾也能直接得分。在多拍拉鋸對攻中，可能會因爲不夠耐心而丟分。雙打中能搶網，隨球上網，也明顯能夠與同伴配合。水平達到這一級別的球員，在目前（中國）國內的業餘網球賽中一般都能拿名次。

4.5
正手： 非常有把握，能充分使用速度和旋轉，良好的深度控制，回擊中速球有攻擊力。
反手： 能控制方向和深度，但在受迫時會失誤，回擊中速球能加力。
發球/接發球： 發球有攻擊力，能同時運用力量和旋轉；二發能發到希望的位置，極少出現雙誤。能接好對手的大力發球；能抓住對方二發軟的機會，打出有深度和落點的回球。
網前： 能連續截擊對方的回球，步伐到位，反手截擊能控制方向和深度，網前的力量使用能輕重結合。常犯錯誤還是拉拍動作過大。
特徵： 能有意識地在打出有攻擊力的落點球（如對方反手位）後隨球上網，並靠連續的截擊或高壓球得分。擊球速度加快，能避開自身弱點，但在處理難接的球時往往過於發力。比賽中能打出各種變化的球，開始針對不同對手來調整每盤的節奏；雙打中網前能提早判斷，回球更具進攻力，開始控制比賽節奏。

5.0
正手： 在大力擊球時能控制方向、深度和旋轉，落點準確，能利用正手取得進攻優勢；也能根據需要打出輕球。
反手： 能打出穩定的進攻球，多數情況下能控制好方向和深度，並有不同的旋轉。
發球/接發球： 能發到對方的弱點位置上，爲進攻取得優勢；能有把握地變化發球；二發能利用深度、旋轉和落點使對手回球軟，爲自己下一拍做準備；接發球能控制好深度和旋轉，並能根據情況選擇大力進攻或減速。
網前： 截擊有深度、速度和方向，難截的球也能打出深度；能抓住機會靠截擊得分。
特徵： 球員對來球能做出很好的提前判斷，在比賽的關鍵球上經常有出色的表現並能拿下關鍵分。能夠穩定地打出得分球，能救起小球和化解對方的截擊球，也能成功地挑高球、放小球、打反彈球和高壓球。能根據對手情況變化戰術，雙打中與同伴配合默契。隨著經驗的增加，不像4.5級球員那樣容易敗給自己；與5.5級的選手相比，輸球更多是由於心理或體力原因。

5.5
特徵： 力量和穩定性（或二者之一）已經成爲該級別選手的主要武器。能根據對手的抛球、站位、拉拍等動作進行判斷，爲自己下一拍進攻提前準備。在激烈的比賽中能變化戰術和風格，在緊急關頭能打出有把握的球。

6.0
特徵： 這一級別的選手一般在高中、大學期間就爲參加國內（指美國）比賽而接受過強化訓練，並在選拔賽或全國（指美國）比賽中拿過名次。

7.0
特徵： 這已是國際級別的選手，他們參加國際大賽並以比賽獎金爲收入來源。

分級標準說明：
參照美國NTRP (National Tennis Rating Program) 標準，用易於理解的語言表述出來。
從我國目前網球運動的總體狀況來看，業餘選手的水平頂多能達到4.5級；國家（省）隊現役隊員一般爲5.0、5.5，只有個別選手能到6.0。
業餘選手一般技術都不夠全面，在對照某一級別的描述時，可能出現有的達不到，有的又超出。我們的建議是：用達不到的項數（負值）與超出的項數相加，如果得數不小於“-1”，則可定爲該級別；反之，最好先降低0.5級，待有針對性地改進後，再重新評級。

原來而家喺討論區約/撩人打波嘅人都會話自己係LEVEL幾,我覺得感覺就好似龍珠裡面「戰鬥力」(BP)、幽遊白書「C、B、A、S級妖怪」嘅Concept咁。但係如果我嘅正手有4.5、反手得2.0、發球/接發球又係得2.0、網前有3.0嘅話，咁又應該點評分？唔通係(正手+反手+發球/接發球＋網前)/4?

唔知新咗幾多次嘅「新射鵰英雄傳」

又翻拍啦！！今次仲要係集中港台三路人馬添！去～片！！



個人覺得以下嘅選角好正：
最正梗係東邪啦：今次演東邪果位仁兄，我覺得佢個造型以至氣質絕對邪過哂之前D黃老邪（記住佢係東邪，唔係劍聖呀！！）

西毒：睇住佢由AV男優轉營做戇直中年男人再變諧星，今次再做奸角唔知會唔會奸唔出汁呢？好期待。

鐵木真：仲要由返做大陸版「成吉思汗」嘅巴森（佢本身係成吉思汗二仔察合台嘅後裔）黎做，我問你服未？

包惜弱：由當年嘅周芷若變成而家嘅包惜弱，不禁要歎句「歲月不饒人」，但亦好想知道佢會點做人老母。

歐陽克：係之前大陸版「笑傲」嘅林平之，都幾靚仔。

個人覺得以下嘅選角最冇變化：
北丐（之前個Trailer本來仲係孫興架，可能覺得佢都係唔夠老啦，所以先易角，但想唔到最後又係家仁哥）

南帝、老頑童：可能角色所限啦，一個字：「悶」

最後講返D主角：
郭靖：最唔鍾意佢，因為佢個樣太試正，又頭髮長長，似令狐沖多過郭靖。乜郭靖唔係黑黑實實，戇DOGDOG咁嘅咩？（最少都要好似鵬鵬咁啦）唔通又改咗版？

黃蓉：我完全唔識佢，只係聽過佢首「孤單北半球」，個樣都幾Q嘅，不過所有人都會用佢同翁美玲、朱茵、周迅、甚至米雪比較，要成功突圍恐怕唔係咁容易．．．

楊康：我好鍾意佢，因為佢夠哂靚仔。（至於葉榮添版同少年包青天版楊康，請容許我衷心講句：請收皮）

穆念慈：都係一個靚女（好過有線怪痰幾千倍啦）

CG特技同炸藥已經用到失哂控，所以對武打場面我唔會太過有期待。反而每一輯原來都對大漠射鵰一幕都好考究，而今次個動作都算幾有型！不過我就有個疑問：「企喺一匹起哂擒嘅馬上面，真係可以瞄得咁準？」

童夢

提起童夢 ，自己首先就會醒起：

1/ 劉錫明唱嘅中文版主題曲「時代節奏」

童夢 主題曲 曲:唐奕聰 詞:因葵 唱:劉錫明

節奏緊湊 就是沒法會停留 緊迫的節奏 似要你我爭鬥

節奏緊湊 並未讓我再回頭緊張的節奏 看似世界所有怎追究 AH...

不可以偷 不可以收 時日那會停在等候 難盡量佔有 豈有萬代千秋來讓我寄情極荒謬

如果可擁有 光陰會有出售 無用再愁困無雖遺漏

現在縱有只夠 只夠日夕擔憂 然後自覺惆悵中再走

世界緊湊 路上沒法會停留 緊迫的節奏 刺痛你我傷口

世界緊湊 莫問道理去尋求 緊張的節奏 看似世界所有怎追究 AH...

到最後 到最後仍不可永久!

--> 而家睇返D歌詞先發現原來寫得幾玄，已經超越咗當時果班小觀眾嘅理解範圍

2/跟著就係為咗打倒眼前一個又一個新對手而創出黎嘅「魔球」：（每個魔球嘅原理唔該搵人同我翻譯）---

スノーミラージュボール　（童夢幻影球）：被一個叫落合嘅打手破咗。

レインボースパークボール （彩虹閃耀魔球）：先後被女扮男網嘅安迪同大肥佬多多破咗。

サンダ－バキュームボール （破風真空魔球）：被童夢老豆夢人嘅宿敵、大奸角卡洛斯破咗。

ハイパースピンブラックホールボール （高旋轉黑洞魔球）：又係先後死喺卡洛斯同落合手上。

イリュージョンスペースワープボール （？？？？）：毫無印象

而家再查清楚D，就知道更多呢套作品嘅厲害之處：

1/ 原來呢套作品原作係石之森章太郎。

2/呢套作品喺當時係背負住「令對職棒感覺日漸疏離嘅日本小朋友重新愛上職棒」呢個重要使命，所以得到巨人隊同Central League嘅全力支持，劇中出現嘅隊名、球員、領隊角色、比賽場館等絕大部分都可以用返真名，另外童夢以一個小學生身份繼承父子加入巨人隊，更同一班大叔打成一片，夠哂勵志。

3/ 棒球比賽場Tokyo Dome喺1988年建成後，從1989-1991年，童夢就成為咗Tokyo Dome嘅Image Character，當時每逢巨人隊喺Tokyo Dome打出Home Run時，現場就會派發童夢公仔。你話幾咁巴之閉！！

Other Link: ミラクルジャイアンツ童夢くん　Fan Page

乒乓球怪(好?)手

最近睇到一條片好騎呢，想同大家分享下：


岡崎惠子呢招叫「王子發球」，係日本土砲嘢，聽講係由大阪一名賣菜佬發明嘅：
典故（日文）：http://ja.wikipedia.org/wiki/%E7%8E%8B%E5%AD%90%E3%82%B5%E3%83%BC%E3%83%96
典故（中文）：http://www.southcn.com/sports/sort/pingpang/200408161017.htm

其實呢招原來唔單止岡崎一個人識，現時喺日本獨當一面、被日本人由細睇到大、曾經被中國YAHOO選為世界乒乓球8大美女之一嘅福原愛，同福岡春菜都係精通王子發球嘅高手。福岡甚至可以開出多達16種嘅王子發球。（雖然我覺得好難考究．．．）

老實講呢一招所謂必殺發球其實唔係好夠殺，只要被對手睇多幾次就會失效．．．例如上面岡崎條片，王子發球雖然開頭可以成功嚇窒對手，但猜多幾板之後一有破綻，岡崎亦難逃被「顏射」嘅命運．．．（00:37出事）咦？咁咪同日本D運動漫畫裡面一D所謂嘅「魔球」同一下場？

兩位姑娘, 可唔可以靜少少先?

嘩，你睇呢兩條友嘈到....



旁述嘅仁兄都因為不斷被呢D女子亢奮嘅叫聲挑引而一度發出淫笑．．．

我諗呢場比賽誰勝誰負都好，賽後都可以約埋一齊睇醫生－－醫喉嚨沙啞

如果我平時見到人打波打到好似佢地喊驚咁,我一定兜板扑暈咗佢地先繼續打。

雖然舒娃有天使面孔同身材可以令人對佢嘅魔鬼叫聲冇咁反感（Sorry呀大威，以貌取人嘅我己經決定嫌棄你同你嘅叫聲），但係如果講到真係要裝以下呢個Ringtone入自己個電話度，恐怕都要係深愛住舒娃嘅粉絲先做得到．．．


Screamapova Ringtone - Click here for the most popular videos

就連某節目主持人同佢打乒乓波都要學佢叫埋一份，真頂癮！！

http://www.youtube.com/watch?v=0fOk6T782Ek

由00:45會開始嗌

李居明「大迷信」續集.....「大．無．敵」！！

超級無聊精

唉...我冇野好講, 大家自己睇啦,順便估吓係咩歌...

闘劇シリーズ -- 北斗之拳街機大賽（８強至決賽）

其實家陣真係已經好眼訓，但係偏偏比我喺YOUTUBE度search到呢幾個CHIP，呢個曾經集合全日本打北斗之拳街機版（拳豪列伝）最勁嘅８個人嘅比賽雖然可能已經OUT左，但都一定要同眾北斗迷分享－下：

第一段　（８強至4強賽 x 2）

威龍Comment:　HEART大人果舊豬腩肉果然厲害；仲有就算用最後BOSS拳王都唔一定實贏架！仲有我唔要睇百裂拳，我要睇成功一擊KO嘅「北斗殘悔拳」呀！！！

第二段　（８強至4強賽 x 2）

威龍Comment:　多奇對多奇果場，唔好話我自己睇到眼都凸埋，就連司儀都話：「どっちはどっちかさっぱり分からない」（應該好似瘋狂八神庵咁有個隱藏人物黑髮多奇一定易認好多）

第三段　（4強至決賽 x 2）

威龍Comment:　連握手都唔制，真係冇乜大將之風．．．

第四段　（決賽：關東VS近畿）

威龍Comment:　引證咗一句：「邪不能勝正」

唔好睇班參賽者好似打得好肉緊咁，但我覺得最辛苦其實係個司儀，原因有二：
1/要記哂北斗角色名同招名之餘，仲要好似同D角色打埋一份咁緊張旁述。
2/咁啱參賽者都唔係太識表達自己，搞到賽前D訪問出現大量Dead Air

北斗の拳 ～審判の双蒼星 拳豪列伝～ 公式サイト：　http://hokuto-no-ken.sega.jp/

聽說 -- 劉若英其中一首感動人心嘅作品

朋友從FACEBOOK send咗個MTV比我，令我重新記返起呢首來自3年前奶茶「聽說？」大碟中，曾幾何時日聽夜聽、不斷repeat再repeat嘅歌：



聽說？
作詞：葛大為　作曲：林健華　編曲：陳建麒

劉若英 - 聽說

聽說　你身邊有新面孔
聽說　你不再寂寞
聽說　你提起我

我過得不錯　忙碌中還有感動
嘗試愛過幾個人　面對愛　也誠實許多

只能被聽說　安排著
關于你我的　對的或錯的
兩個人　曾經相似的　卻以為都變了
只能靠聽說　各自愛著
不需要證明　當時決定是錯的
想著聯絡　不如心底遠遠問候
最美麗　莫過于聽說你　還回憶
其實我也感激　當我聽說你還相信愛情

聽說　我巷口你常經過
聽說　你厭倦寂寞
聽說　你問候我

我過得不錯　忙碌中還有感動
嘗試愛過幾個人　面對愛　也誠實許多
只能被聽說　安排著
關于你我的　對的或錯的
兩個人　曾經相似的　卻以為都變了
只能靠聽說　各自愛著
不需要證明　當時決定是錯的
想著聯絡　不如心底遠遠問候
最美麗　莫過于聽說你　還回憶
其實我也感激　當我聽說你還相信愛情

只能被聽說　安排著
關于你我的　對的或錯的
兩個人　曾經相似的　卻以為都變了
只能靠聽說　各自愛著
不需要證明　當時決定是錯的
想著聯絡　不如心底遠遠問候
最美麗　莫過于聽說你　還回憶
其實我也感激　當我聽說你還相信愛情

聽說　我身邊有新面孔
聽說　你祝福了我

順帶一提：劉若英點解叫奶茶

型van

前幾日喺街見到架VAN車頭有個好型嘅嘜頭，究竟係乜呢．．．．．

原來係架復康巴士：

本來係白底綠字嘅復康巴士，唔知幾時轉變咗形象，變得咁COLOURFUL嘅呢？我個人就幾鍾意，起瑪冇咁醫院FEEL，但係個LOGO又點呢．．．

講返個LOGO，驟眼睇落去好似係隻猙獰嘅怪獸喺度張牙舞爪，咁咪同復康巴士個形象好唔夾？在網上一查之後，馬上明白哂，原來唔係怪獸，係火鳳凰（不死鳥）先啱（原來我將鳳凰先生頸上果條毛毛睇錯左成為怪獸嘅下顎，所以第一次睇到就以為係一隻怪獸丫大個口準備噴火）：

火鳳凰傳說

好一句「鳳凰瀕死的時候反而出現奇蹟，在熊熊烈焰裡再度重生」！配合埋香港復康會嘅工作一齊諗，成件事忽然掂過轆蔗，GOOD JOB！

禦寒&御寒い

前幾日行過西田又俾我見到D邪野：

真係頂你個肺！簡直亂Q咁0黎！！
希望天氣早日回暖，除左因為我係一個怕凍嘅人之外，另一個原因就係氣溫回升就可以早D拆Q咗呢張邪野！！

禦寒（中文）：抵禦寒冷
御寒い（日文）：
http://www.excite.co.jp/dictionary/japanese/?search=%E5%BE%A1%E5%AF%92&match=beginswith&itemid=02647500

唔知係咪我最近時運低，定係呢D野仲係HIT緊呢．．．（進入沈思）

偷得浮生一日閒

上星期頭半段真係忙到癲Q左：

18/NOV（日）: 下晝2點去機場接個日本客，跟手同佢同SUPPLIER工程師去中港城搭船上珠海

19/NOV（一）: 再JOIN埋客方另外2個人去工廠睇試產，當日黃昏搭3個鐘車落沙井

20/NOV（二）:去沙井嘅工廠睇另一輪試產，睇足成日

21/NOV（三）:上晝從落馬州返香港，仲要幫D客PACK Sample，湊埋佢地去機場快線

－－＞到左星期三，我已經心力交瘁．．．．

終於好辛苦咁捱埋個星期四後，我下定決心星期五放假，送一個三連休比自己！！（當我知道日本星期五又係公眾假期之後，我休得仲心安理得！）

星期五一覺醒來，感覺良好。同大哥約好打網球時間（佢冇吉屎，淨係敢放下晝）後，施施然出黃大仙（成日打曾大屋有D悶，加上全日FREE，所以揀左摩士公園黎打），雖然地圖顯示球場位置喺黃大仙同樂富中間，但實證之後終於知道喺樂富行過去比從黃大仙去近得多！！！（又笨咗）

　

↑　後面果座後現代建築係教會黎架，入夜後尖頂個十字架遠睇好似會凌空咁，好強。

講返個網球場，摩士四號有6個網球場，5個都係平平無奇，但係個3號場就零零舍舍起左喺另一邊，細看之下原來係一個相當テニプリfeel嘅練習場：

　

　　
兩個疑問（誠徵答案）：
1. 用呢種場打波真係可以練好網球嘅咩？
2. 呢個場係唔係同其他正常場一樣價錢呢？

打完波仲跟手喺樂富寶太郎（日本咖哩飯專門店）食個TEA添。餐飲波子汽水呀唔該！
　　
波士汽水好耐無飲過啦，飲返都幾正！至於個綠茶冷麵就．．．算啦，人地做咖哩架，下次食過咖哩先下結論。　

又0黎一堆外星文...

予欲無言.....

外星文一覽:
1. 實施店尖沙咀
2. 尖沙咀店の登陸
3. 最激安
4. 人氣午餐

其實用呢D咁嘅漢字0黎搞宣傳明明已經OUT哂架啦！なんでわからないんだ！？ （嘉美尤腔）

不願一個人 (一歌兩食)

最近又聽返呢首歌, 歌中流露出果種「於愛人有所虧欠」嘅無奈真係幾正...

國語版:


國語版(LIVE):


廣東版(LIVE):


其實國語版同廣東版同樣襟聽,不過國語版嘅曲、詞、唱都由一個人包辦, 單憑呢點已經令我鍾意國語版多於廣東版，而且國語版歌詞中運用大量「不願」呢個疊詞但一D都唔突兀，感情流露自然，相反廣東詞中例如「藍的天，流動的雲」、「將秋水望穿」等就稍嫌有D堆砌FEEL。（當然廣東詞出名難填亦係不爭嘅事實）



個人覺得梁漢文其實係一個唔錯嘅歌手, 睇得唱得彈得跳得,最可惜就係一直紅歌唔紅人...希望喺佢班死黨兼勁敵先後喺樂壇消失/半消失嘅形勢下,佢嘅事業可以乘機更上一層樓啦。

另一篇談及EDMOND嘅文章: http://dosss.blogspot.com/2007/10/blog-post_03.html

日本漫畫的威力

相信冇人會懷疑日本漫畫對華人社會嘅威力, 但威力有以下咁厲害嘅都算係異數:

http://www.mobile01.com/newsdetail.php?id=3802

家中有類似配置嘅朋友仔都要引之為戒，小心小心。

S-PHONE

「本商品包含9項貼心時尚配備：獨家中文化操作介面與功能、時尚外盒包裝、主話機（特大800GB容量）、可插式充電座、可旋轉充電插頭、數據傳輸線、耳機、skea電信獨家門號（終身免月租費）、耳機」

基本上呢部野同IPHONE差唔多, 但最需要注意嘅係s-phone 800GB嘅容量足足係Apple Iphone嘅100倍, 而且同特定網絡供應商簽約, 仲可以永久免月費。

產品詳細spec.: http://www.skea.com.tw/IT390001.htm

只可以講一句: 「巧奪天工」.....嫌IPHONE太貴0既話可以考慮下, 帶出街的確呃(嚇)得吓人

北朝鮮 -- 一個集神秘, 可怕同有趣嘅地方

的而且確，北韓俾好多人嘅印象都係比較負面，但係我始終覺得我地可以接收到有關北韓嘅資訊其實係非常片面，講到佢十足人間煉獄。但如果可以嘅話，我都想親身去一次北韓睇睇架！最近喺我最鍾意上嘅YOUTUBE搵到幾個同北韓有關、幾得意嘅短片，想同大家分享吓．．．

1/北韓軍人魔鬼訓練 (Version 1)：


2/北韓軍人魔鬼訓練 (Version 2)：


3/ 外國朋友北韓遊記（一）


4/ 外國朋友北韓遊記（二）


5/ 平壤地鐵


6/ 北韓特產 (絕對可以列入健力士大全): Mass Games


7/ 一個介紹北韓嘅時事節目:

Find this video and thousands of others at vSocial!

文字LINKS:
1/ WIKI: 朝鮮民主主義人民共和國
2/北韓旅遊資料：http://hk.travel.yahoo.com/dest/asia/north_korea/index.html
http://www.knowledgewalker.com/TripIntro_NKa.html
3/香港出團： http://www.northkoreatour.net/index.asp
4/ LOCAL TOUR：http://www.koryogroup.com/index.html
5/中國朋友嘅北韓遊記: http://www.photofans.cn/showthread.php?threadyear=2007&threadid=176246&pagenumber=1

怪風帕布

並唔係因為香港好耐冇打過風所以先覺得佢怪，而係佢真係幾怪：

係威係勢掠過台灣南部之後，布布繼續浩浩蕩蕩咁吹向香港。而我亦首次覺得我0既工作原來可以同天氣咁有關係。原因係我上星期三同四都要去台灣出差，星期二果日0係大陸出差，睇住布布吹緊台灣，真係好擔心第二日唔可以成行；之後去到台灣，又睇住佢對實香港0黎吹，又要開始驚星期四返唔返到香港；當我知道全部最後都係虛驚一場之後，就開始覺得呢隻帕布真係「睇得唔打得」．．．星期五一起身抱住「睇吓你死咗未」０既心態上天文台網址睇吓佢咩情況，點知佢唔單止未死，仲一個屈尾十打個8字吹返轉頭，你話怪唔怪？

但到我上晝開工果陣我仍然堅持布布已經係「強弩之末」，搞唔出咩花樣，點知一食完飯劇情急轉直下，從同事們口中開始不斷聽到「好快掛3號啦」、「好似會打到8號喎」、「講左3點半打8號啦」，最後原來14:30打8號。公司0既日本人老細本來仲未知發生緊咩事，後來見到公司唔知幾時開始瀰漫住一片超級緊張0既氣氛同埋有超多電話（相信有D係報料電話），最後從會計姐姐口中知道就黎打8號，就唯有無可奈何咁宣布一打8號就全世界走得。老細可能對我地咁有默契咁準備走人嘅行徑有D不滿，於是又爆左一句：「日本ではそんな風は絶対休みならない！香港はあまい！！」

順帶一提又有一個叫「聖帕」0既颱風（記住帕布只係強烈熱帶風暴，但聖帕係真真正正嘅「颱風」）又嚟緊啦，睇吓今次又點啦！

最後要講嘅係，我把引以為傲嘅梁蘇記長遮終於喺布布嘅強攻下受到重創（遮頭飛脫），最後要攞去整．．．慘！

LINKS:
1/ 香港天文台熱帶氣旋位置及路徑圖
2/ 成堆風名，仲勁過D族譜！！！　
　（香港改D名真係非常咁「香港」！如果我冇睇錯，呢D名應該係由上而下，由左至右逐個
　逐個咁用緊．．．大家不妨聽一聽D名，可以學外語！）