提起童夢 ，自己首先就會醒起：
1/ 劉錫明唱嘅中文版主題曲「時代節奏」
童夢 主題曲 曲:唐奕聰 詞:因葵 唱:劉錫明
節奏緊湊 就是沒法會停留 緊迫的節奏 似要你我爭鬥
節奏緊湊 並未讓我再回頭緊張的節奏 看似世界所有怎追究 AH...
不可以偷 不可以收 時日那會停在等候 難盡量佔有 豈有萬代千秋來讓我寄情極荒謬
如果可擁有 光陰會有出售 無用再愁困無雖遺漏
現在縱有只夠 只夠日夕擔憂 然後自覺惆悵中再走
世界緊湊 路上沒法會停留 緊迫的節奏 刺痛你我傷口
世界緊湊 莫問道理去尋求 緊張的節奏 看似世界所有怎追究 AH...
到最後 到最後仍不可永久!
--> 而家睇返D歌詞先發現原來寫得幾玄，已經超越咗當時果班小觀眾嘅理解範圍
2/跟著就係為咗打倒眼前一個又一個新對手而創出黎嘅「魔球」：（每個魔球嘅原理唔該搵人同我翻譯）---
スノーミラージュボール （童夢幻影球）：被一個叫落合嘅打手破咗。
レインボースパークボール （彩虹閃耀魔球）：先後被女扮男網嘅安迪同大肥佬多多破咗。
サンダ－バキュームボール （破風真空魔球）：被童夢老豆夢人嘅宿敵、大奸角卡洛斯破咗。
ハイパースピンブラックホールボール （高旋轉黑洞魔球）：又係先後死喺卡洛斯同落合手上。
イリュージョンスペースワープボール （？？？？）：毫無印象
而家再查清楚D，就知道更多呢套作品嘅厲害之處：
1/ 原來呢套作品原作係石之森章太郎。
2/呢套作品喺當時係背負住「令對職棒感覺日漸疏離嘅日本小朋友重新愛上職棒」呢個重要使命，所以得到巨人隊同Central League嘅全力支持，劇中出現嘅隊名、球員、領隊角色、比賽場館等絕大部分都可以用返真名，另外童夢以一個小學生身份繼承父子加入巨人隊，更同一班大叔打成一片，夠哂勵志。
3/ 棒球比賽場Tokyo Dome喺1988年建成後，從1989-1991年，童夢就成為咗Tokyo Dome嘅Image Character，當時每逢巨人隊喺Tokyo Dome打出Home Run時，現場就會派發童夢公仔。你話幾咁巴之閉！！
Other Link: ミラクルジャイアンツ童夢くん Fan Page
4 則留言:
當年有睇A-CLUB,所以一早知道原作是石森。但畫功方面動畫版比漫畫版好睇得多。就好似星矢一樣。
石森其實連撒爾達的傳說都畫過, 非常多產的人。
當年tokyo dome無記譯了做多麥球場, 現在大家都叫它巨蛋。
對呢首歌我好有印象，因為我覺得呢首歌好好聽。因葵呢首歌啲詞真係填得好好，不過佢填嗰首龍珠二世（張崇基／德版本）就好得人驚。
我記得卡洛斯係靚仔（比起其他角色），女扮男裝嘅安迪都記得，但終極絕招同對手就冇乜印象，到底當年套卡通係咪爛尾呢？
老邪:
其實當年A-CLUB真係好多野睇(我最有印象就係星矢小說番外編,係講撒卡謀殺阿歷斯,然後冒充教皇,之後艾奧羅斯救走小沙織,最後死喺修羅手上嘅一段,真係好正)...其實而家重新搞一本好似A-CLUB嘅專門動畫月刊有冇得賺呢...
Nellさん：
卡洛斯的確係個美男子,仲要係單手揸球棒嘅。
安迪個真名叫美洛迪(即係Melody),絕招係韻律魔球。
呢套卡通好似冇爛尾,不過之後有個特別編無線有冇播就唔記得lu
雖然我都係A-CLUB迷,但有一點必須講清楚,那篇星矢小說是來自集英社的星矢動畫特刊,並不是A-CLUB原創。
那時候集英社出的動畫特刊例牌要加幾頁番外篇小說,同類型的仲有龍珠「笛子魔童深山成長回憶錄」和「比達與菲利的恩怨情仇」。但那時不懂日文,只是睇圖唔知詳情講乜。這個也是要多謝A-CLUB的。
一本類似A-CLUB嘅專門動畫月刊,其實而家都有,叫AXX-WAXX。如果所有封面圖、內文圖和附送的海報都SCAN日文書,視版權如無物,甚麼版權費都不用付,可以賺到錢吧...
發佈留言