打速成永遠唔會記得嘅字

回想起黎其實自己係好遲好遲先識打中文，猶記得中六做個人Project（果科叫Liberal Studies）都仲係要比份手寫稿比學校D師兄幫我打字、排版（當然要收$）。之後經過一番苦功總算學識左速成（講開打字我見過最快都仍然係黃老邪果手倉頡，真係好快）．．．其後得到各方好友關照得到「老翻」呢份Peru，就更加不斷要用到速成輸入法。但直至現在我仲有好幾個「速成死門」，就係成日都有機會打到，但又永遠唔記得個死人速成碼（淨係記一頭一尾都唔記得先至仆街！！），所以專登開篇文當同大家分享下之餘，亦到可以提醒自己（一唔記得就入個Blog睇）：

1/ 鶴：　人火SPACE6　　　
一直以來用嘅アポ方法：用日文打つる轉成漢字了事

2/ 凸：　月尸1　　　
一直以來用嘅アポ方法：喺yahoo香港字典打"Convex"然後將中文解釋Copy and Paste.

3/ 凹：　尸山3　　　
一直以來用嘅アポ方法：喺yahoo香港字典打"Concave"然後將中文解釋Copy and Paste.

4/ 隸：　木水9　　　
一直以來用嘅アポ方法：先打「奴」字然後攞佢個相關字「隸」，再DELETE返個「奴」

5/ 敷：　戈大6　　　
一直以來用嘅アポ方法：喺google.com.hk打「*衍了事」．．．

6,7,8,9,10........../ 暫時唔記得，但一定仲有

相信隨住時間嘅流逝，死門會越來越多．．．
話時話唔知速成轉倉頡會有幾高難度呢．．．

何謂「GAG」? 何謂「爛GAG」?

剛剛上網摷到。希望可以比一眾樂於GAG道之人士一個參考:

GAG

資料取材自<<香港網絡大典>>

NTRP (National Tennis Rating Program)

偶然喺網上搵到嘅標準:

分級標準——美國NTRP (National Tennis Rating Program)

1.0
特徵： 初學者（包括第一次打網球的人）。

1.5
特徵： 打球時間不長，還只顧得上把球來回打起來。

2.0
正手： 揮拍動作不完整，不容易控制擊球方向。
反手： 不願意用反手接球，偶爾接一下也感覺沒有把握。
發球/接發球： 發球動作不完整，抛球不穩定，經常雙誤；接發球容易失誤。
網前： 還沒有主動上網的意識，不會用反手截擊，網前腳步跟不上。
特徵： 雖然正、反手都有明顯弱點，但已初步瞭解單、雙打中的基本站位。

2.5
正手： 動作有所改進，開始能夠慢節奏對攻。
反手： 握拍還有問題，擊球準備不夠早，喜歡用正手去接本該反手接的球。
發球/接發球： 揮拍動作趨於完整，可以發出速度慢的好球，抛球仍不穩定；能接好速度不快的發球。
網前： 網前感到不舒服，尤其是反手截擊，經常用正手拍面打反手位截擊。
特徵： 與水平相當的人能打出幾個回合的慢速對攻，但還難以覆蓋整個場地。能主動挑高球，但還不能控制球的高度和深度；能打到過頂球，但對能否打好沒有把握。雙打中還不會調整站位。

3.0
正手： 有較好的穩定性，也基本能控制方向，但還缺乏擊球深度。
反手： 能提早準備，可以打出比較穩定的中速球。
發球/接發球： 發球的節奏感開始出來了，但大力發球時穩定性差，二發明顯慢于一發；接發球比較穩定。
網前： 正手截擊已經比較穩定，反手差一些，對低球和遠身球還很頭疼。
特徵： 已經能打出比較穩定的中速球，但並不是每一拍都很舒服。在控制擊球的深度和力量時還顯得力不從心。能挑出比較穩定的高球。雙打中與同伴的戰位元組合基本上是一前一後，上網還不積極，網前攻擊力也不強。

3.5
正手： 能打出穩定而有變化的中速球，能很好地控制擊球方向，上旋球水平提高。
反手： 回中速球時能控制方向，但還處理不好高球、快球。
發球/接發球： 開始能控制落點並加力，也能發出上旋球；能穩定地接中速發球並控制回球方向。
網前： 上網更積極，步伐正確，能截擊部分遠身球。正手截擊穩定，反手還不理想。接對方的截擊球還有困難。
特徵： 對中速球的方向控制已經不錯，但擊球的深度和變化還不夠。能在跑動中穩定地回擊過頂球，開始能隨球上網、放小球和打反彈球。二發基本能控制落點。雙打中網前更積極，對場地的覆蓋和與同伴的配合能力也在提高。

4.0
正手： 擊球已經有相當的把握，回擊中速球有深度，能對付難接的球。
反手： 能穩定地回擊中速球，能加上旋，也有深度。
發球/接發球： 一發和二發都能控制落點，一發力量大，能帶旋轉發球；接發球穩定，極少出現主動失誤；單打接發球有深度，雙打接發球能根據需要而變化。
網前： 正手截擊能夠控制並有深度，反手截擊有方向但缺乏深度，學會截擊遠身球和低網球。
特徵： 已能打出有把握的中速正、反手邊線球，也能控制擊球的深度和方向。能夠抓住機會或是對手的弱點打出得分球。已經會使用挑高球、放小球和截擊技術，而且其中有些球能夠得分。發球偶爾也能直接得分。在多拍拉鋸對攻中，可能會因爲不夠耐心而丟分。雙打中能搶網，隨球上網，也明顯能夠與同伴配合。水平達到這一級別的球員，在目前（中國）國內的業餘網球賽中一般都能拿名次。

4.5
正手： 非常有把握，能充分使用速度和旋轉，良好的深度控制，回擊中速球有攻擊力。
反手： 能控制方向和深度，但在受迫時會失誤，回擊中速球能加力。
發球/接發球： 發球有攻擊力，能同時運用力量和旋轉；二發能發到希望的位置，極少出現雙誤。能接好對手的大力發球；能抓住對方二發軟的機會，打出有深度和落點的回球。
網前： 能連續截擊對方的回球，步伐到位，反手截擊能控制方向和深度，網前的力量使用能輕重結合。常犯錯誤還是拉拍動作過大。
特徵： 能有意識地在打出有攻擊力的落點球（如對方反手位）後隨球上網，並靠連續的截擊或高壓球得分。擊球速度加快，能避開自身弱點，但在處理難接的球時往往過於發力。比賽中能打出各種變化的球，開始針對不同對手來調整每盤的節奏；雙打中網前能提早判斷，回球更具進攻力，開始控制比賽節奏。

5.0
正手： 在大力擊球時能控制方向、深度和旋轉，落點準確，能利用正手取得進攻優勢；也能根據需要打出輕球。
反手： 能打出穩定的進攻球，多數情況下能控制好方向和深度，並有不同的旋轉。
發球/接發球： 能發到對方的弱點位置上，爲進攻取得優勢；能有把握地變化發球；二發能利用深度、旋轉和落點使對手回球軟，爲自己下一拍做準備；接發球能控制好深度和旋轉，並能根據情況選擇大力進攻或減速。
網前： 截擊有深度、速度和方向，難截的球也能打出深度；能抓住機會靠截擊得分。
特徵： 球員對來球能做出很好的提前判斷，在比賽的關鍵球上經常有出色的表現並能拿下關鍵分。能夠穩定地打出得分球，能救起小球和化解對方的截擊球，也能成功地挑高球、放小球、打反彈球和高壓球。能根據對手情況變化戰術，雙打中與同伴配合默契。隨著經驗的增加，不像4.5級球員那樣容易敗給自己；與5.5級的選手相比，輸球更多是由於心理或體力原因。

5.5
特徵： 力量和穩定性（或二者之一）已經成爲該級別選手的主要武器。能根據對手的抛球、站位、拉拍等動作進行判斷，爲自己下一拍進攻提前準備。在激烈的比賽中能變化戰術和風格，在緊急關頭能打出有把握的球。

6.0
特徵： 這一級別的選手一般在高中、大學期間就爲參加國內（指美國）比賽而接受過強化訓練，並在選拔賽或全國（指美國）比賽中拿過名次。

7.0
特徵： 這已是國際級別的選手，他們參加國際大賽並以比賽獎金爲收入來源。

分級標準說明：
參照美國NTRP (National Tennis Rating Program) 標準，用易於理解的語言表述出來。
從我國目前網球運動的總體狀況來看，業餘選手的水平頂多能達到4.5級；國家（省）隊現役隊員一般爲5.0、5.5，只有個別選手能到6.0。
業餘選手一般技術都不夠全面，在對照某一級別的描述時，可能出現有的達不到，有的又超出。我們的建議是：用達不到的項數（負值）與超出的項數相加，如果得數不小於“-1”，則可定爲該級別；反之，最好先降低0.5級，待有針對性地改進後，再重新評級。

原來而家喺討論區約/撩人打波嘅人都會話自己係LEVEL幾,我覺得感覺就好似龍珠裡面「戰鬥力」(BP)、幽遊白書「C、B、A、S級妖怪」嘅Concept咁。但係如果我嘅正手有4.5、反手得2.0、發球/接發球又係得2.0、網前有3.0嘅話，咁又應該點評分？唔通係(正手+反手+發球/接發球＋網前)/4?

型van

前幾日喺街見到架VAN車頭有個好型嘅嘜頭，究竟係乜呢．．．．．

原來係架復康巴士：

本來係白底綠字嘅復康巴士，唔知幾時轉變咗形象，變得咁COLOURFUL嘅呢？我個人就幾鍾意，起瑪冇咁醫院FEEL，但係個LOGO又點呢．．．

講返個LOGO，驟眼睇落去好似係隻猙獰嘅怪獸喺度張牙舞爪，咁咪同復康巴士個形象好唔夾？在網上一查之後，馬上明白哂，原來唔係怪獸，係火鳳凰（不死鳥）先啱（原來我將鳳凰先生頸上果條毛毛睇錯左成為怪獸嘅下顎，所以第一次睇到就以為係一隻怪獸丫大個口準備噴火）：

火鳳凰傳說

好一句「鳳凰瀕死的時候反而出現奇蹟，在熊熊烈焰裡再度重生」！配合埋香港復康會嘅工作一齊諗，成件事忽然掂過轆蔗，GOOD JOB！

偷得浮生一日閒

上星期頭半段真係忙到癲Q左：

18/NOV（日）: 下晝2點去機場接個日本客，跟手同佢同SUPPLIER工程師去中港城搭船上珠海

19/NOV（一）: 再JOIN埋客方另外2個人去工廠睇試產，當日黃昏搭3個鐘車落沙井

20/NOV（二）:去沙井嘅工廠睇另一輪試產，睇足成日

21/NOV（三）:上晝從落馬州返香港，仲要幫D客PACK Sample，湊埋佢地去機場快線

－－＞到左星期三，我已經心力交瘁．．．．

終於好辛苦咁捱埋個星期四後，我下定決心星期五放假，送一個三連休比自己！！（當我知道日本星期五又係公眾假期之後，我休得仲心安理得！）

星期五一覺醒來，感覺良好。同大哥約好打網球時間（佢冇吉屎，淨係敢放下晝）後，施施然出黃大仙（成日打曾大屋有D悶，加上全日FREE，所以揀左摩士公園黎打），雖然地圖顯示球場位置喺黃大仙同樂富中間，但實證之後終於知道喺樂富行過去比從黃大仙去近得多！！！（又笨咗）

　

↑　後面果座後現代建築係教會黎架，入夜後尖頂個十字架遠睇好似會凌空咁，好強。

講返個網球場，摩士四號有6個網球場，5個都係平平無奇，但係個3號場就零零舍舍起左喺另一邊，細看之下原來係一個相當テニプリfeel嘅練習場：

　

　　
兩個疑問（誠徵答案）：
1. 用呢種場打波真係可以練好網球嘅咩？
2. 呢個場係唔係同其他正常場一樣價錢呢？

打完波仲跟手喺樂富寶太郎（日本咖哩飯專門店）食個TEA添。餐飲波子汽水呀唔該！
　　
波士汽水好耐無飲過啦，飲返都幾正！至於個綠茶冷麵就．．．算啦，人地做咖哩架，下次食過咖哩先下結論。　

日本漫畫的威力

相信冇人會懷疑日本漫畫對華人社會嘅威力, 但威力有以下咁厲害嘅都算係異數:

http://www.mobile01.com/newsdetail.php?id=3802

家中有類似配置嘅朋友仔都要引之為戒，小心小心。

S-PHONE

「本商品包含9項貼心時尚配備：獨家中文化操作介面與功能、時尚外盒包裝、主話機（特大800GB容量）、可插式充電座、可旋轉充電插頭、數據傳輸線、耳機、skea電信獨家門號（終身免月租費）、耳機」

基本上呢部野同IPHONE差唔多, 但最需要注意嘅係s-phone 800GB嘅容量足足係Apple Iphone嘅100倍, 而且同特定網絡供應商簽約, 仲可以永久免月費。

產品詳細spec.: http://www.skea.com.tw/IT390001.htm

只可以講一句: 「巧奪天工」.....嫌IPHONE太貴0既話可以考慮下, 帶出街的確呃(嚇)得吓人

北朝鮮 -- 一個集神秘, 可怕同有趣嘅地方

的而且確，北韓俾好多人嘅印象都係比較負面，但係我始終覺得我地可以接收到有關北韓嘅資訊其實係非常片面，講到佢十足人間煉獄。但如果可以嘅話，我都想親身去一次北韓睇睇架！最近喺我最鍾意上嘅YOUTUBE搵到幾個同北韓有關、幾得意嘅短片，想同大家分享吓．．．

1/北韓軍人魔鬼訓練 (Version 1)：


2/北韓軍人魔鬼訓練 (Version 2)：


3/ 外國朋友北韓遊記（一）


4/ 外國朋友北韓遊記（二）


5/ 平壤地鐵


6/ 北韓特產 (絕對可以列入健力士大全): Mass Games


7/ 一個介紹北韓嘅時事節目:

Find this video and thousands of others at vSocial!

文字LINKS:
1/ WIKI: 朝鮮民主主義人民共和國
2/北韓旅遊資料：http://hk.travel.yahoo.com/dest/asia/north_korea/index.html
http://www.knowledgewalker.com/TripIntro_NKa.html
3/香港出團： http://www.northkoreatour.net/index.asp
4/ LOCAL TOUR：http://www.koryogroup.com/index.html
5/中國朋友嘅北韓遊記: http://www.photofans.cn/showthread.php?threadyear=2007&threadid=176246&pagenumber=1

怪風帕布

並唔係因為香港好耐冇打過風所以先覺得佢怪，而係佢真係幾怪：

係威係勢掠過台灣南部之後，布布繼續浩浩蕩蕩咁吹向香港。而我亦首次覺得我0既工作原來可以同天氣咁有關係。原因係我上星期三同四都要去台灣出差，星期二果日0係大陸出差，睇住布布吹緊台灣，真係好擔心第二日唔可以成行；之後去到台灣，又睇住佢對實香港0黎吹，又要開始驚星期四返唔返到香港；當我知道全部最後都係虛驚一場之後，就開始覺得呢隻帕布真係「睇得唔打得」．．．星期五一起身抱住「睇吓你死咗未」０既心態上天文台網址睇吓佢咩情況，點知佢唔單止未死，仲一個屈尾十打個8字吹返轉頭，你話怪唔怪？

但到我上晝開工果陣我仍然堅持布布已經係「強弩之末」，搞唔出咩花樣，點知一食完飯劇情急轉直下，從同事們口中開始不斷聽到「好快掛3號啦」、「好似會打到8號喎」、「講左3點半打8號啦」，最後原來14:30打8號。公司0既日本人老細本來仲未知發生緊咩事，後來見到公司唔知幾時開始瀰漫住一片超級緊張0既氣氛同埋有超多電話（相信有D係報料電話），最後從會計姐姐口中知道就黎打8號，就唯有無可奈何咁宣布一打8號就全世界走得。老細可能對我地咁有默契咁準備走人嘅行徑有D不滿，於是又爆左一句：「日本ではそんな風は絶対休みならない！香港はあまい！！」

順帶一提又有一個叫「聖帕」0既颱風（記住帕布只係強烈熱帶風暴，但聖帕係真真正正嘅「颱風」）又嚟緊啦，睇吓今次又點啦！

最後要講嘅係，我把引以為傲嘅梁蘇記長遮終於喺布布嘅強攻下受到重創（遮頭飛脫），最後要攞去整．．．慘！

LINKS:
1/ 香港天文台熱帶氣旋位置及路徑圖
2/ 成堆風名，仲勁過D族譜！！！　
　（香港改D名真係非常咁「香港」！如果我冇睇錯，呢D名應該係由上而下，由左至右逐個
　逐個咁用緊．．．大家不妨聽一聽D名，可以學外語！）

六合彩

唔經唔覺出黎做野已經有8年,雖然0係正職同秘魯層面上一直都勉強叫做勤力,但係心中希望一朝暴發、提早退休0既果團火就從來未曾熄滅過。對我黎講賭馬賭波都太花時間去研究,所以只好勤D買六合彩。
聽日有個暑期金多寶,成3,300萬,為免聽日同人迫,所以今日放工就拿拿臨去買左一張電腦飛一張七個字(盛惠55蚊),跟手又問左個笑容滿面0既馬會姐姐攞左張幾得意0既資料:
正如「你娘親係女性」0既道理, 係人都知買齊49個字就必中, 但係原來買齊49個字要成6千幾近7千萬, 比你中左都「功不補患」。如果你心有靈犀認為有幾個冧巴係一定會抽到0既話, 你可以考慮買膽拖, 咁就唔駛咁多$。(當然呢句都係廢話)

六合彩官方網頁: http://bet.hkjc.com/marksix/

香港再次回到日治時期

有一日放工行過尖沙咀清真寺對面0既巴士站，無意間見到一塊廣告燈箱，上面寫住D不很之所謂0既0野，本來都打算掂行掂過就算，不過離開左10米到始終到頂唔順，決定行返轉頭，拔出腰間0既相機影低佢比各位睇0下：
　　　

好心D人啦，日字港用本身已經唔係100%正當0既做法，今次仲離譜到「鑒粗」將D中文字用平假名標出0黎，真係想問下諗呢條橋出黎0既人打算將呢D平假名俾邊個睇?未學過日文0既人自然唔知佢UP乜；識日文0既人自然會鄙視佢；我相信最可能「LAI（請用廣東話第2聲讀出）0野」就係果D識得少少日文0既人，如果佢地去到日本，好可能會同D售貨員猛咁講「しゅうもこう」、「しゅうもこう」.....（最大鑊都係最後就算將「しゅうもこう」0既「漢字」寫出黎，D日本人都唔會知佢UP乜Q 0野）

費達拿0既10球靚波

講多無謂, 去片!!!

再上機...

經過左長達半個多月0既閉關奮戰, 終於「及時」將手上「山のようにたまっていた」0既翻譯工作清左, 聽日總算可以用輕鬆0既心情去日本出差一星期。話時話呢半個月真係好難捱, 本來日抖應付正職, 一放工再對秘魯開戰呢種PATTERN對我0黎講已經唔係新聞,但係今次最攞命0既就係失驚無神要去大陸出差2、3日, 完全upset哂我個schedule, 到左今個星期尾心情真係好緊張, 好彩最後0既一輪衝刺總算冇跌WATT，總算0係尋晚完成任務，仲SPARE0左個星期日出黎抖抖添。
順帶一提，呢兩個星期最好0既娛樂就梗係睇法國公開賽啦,直播0既時間都算OK架！！（星期日既10點仲有精華重播添）

10天健康波幅圖 （續）

本來以為發完燒，扁桃線發完炎就萬事皆休啦，點知又到隻耳仔出事。今次真係名副其實0既「周圍有事」囉．．．
話說上星期有一晚沖完涼，覺得有D水走0左入隻右耳裡面，於是盡一切方法（包括用棉花捧「採礦」、單腳跳等）希望整返篤水出0黎，可惜一D都唔成功。之後就一直覺得有篤水0係隻耳仔度"LONG"0下"LONG"0下，直立0個陣篤水就塞住隻耳，但一打斜個身篤水就碌0左去第二度，隻耳仔又會清返。不過既然平時生活身體都以直立為主，所以我亦一直被「耳塞」問題困擾。
估唔到今朝起身，竟然感覺到右耳中0既水浸到滿一滿，連之前果幾日"LONG"0下"LONG"0下0既情形都冇，無論個身打直或者打斜右耳都全面擠塞（不過唔係失聰。其實仲聽到0野，不過係濛少少0者），就覺得好奇怪：「冇理由D水會越0黎越多架」於是就決定返工去搵個專科醫生睇0下，希望佢用D專用設備吸入耳仔裡面果篤咁擾人0既水。
結果醫生同我講，我耳仔裡面D水唔係外來水，而係由裡面谷入隻耳度。何解呢？原來係之前0既感冒菌入0左耳，導致中耳發炎積水。所以醫生比左D藥幫我打死埋D感冒菌死剩種之外，又要我滴鼻藥水。（我冇寫錯，係滴鼻，因為醫生解釋我知中耳同外耳之間有耳膜隔開，要醫就要從鼻入藥，因為D藥冇可能由耳窿入到中耳）
早知係咁就一早睇醫生啦，成個禮拜左跳跳右跳跳都唔知為乜．．．

10天健康波幅圖

回首自己過去10日0既健康情況真係可以用「差到無倫」0黎形容，加上正職同秘魯又一樣咁忙，連日休息不足令病情多日都係0係低位反覆徘徊：

27/MAR: 上晝返工至放工一直好好地，臨放工仲約0左小C去海典灣打波。點知0係返屋企程火車唔知係咪撞邪，成個人忽然間頭重重好唔舒服，不過當時只係諗最多打完波出身汗，再早D訓就應該會冇事，所以明知0係屋企食完夜晚飯出發去海典灣果陣明明已經覺得成個人好慶都冇理佢。結果果晚打（捱）完場兩個鐘之後覺得全身冒煙、關節酸軟，即刻衝出去睇康健夜診。原來已經燒成38度幾，入到去見到醫生馬上要求打針同埋比特效抗生素（以上兩點都係我主動要求），醫生可能見我咁死，再三叮囑我食哂D藥要去覆診。
醫療費：28.00（公司醫療保險診金）+40.00（特效藥）+20.00（打針）= 88.00

28/MAR: 經過一晚休息已經退左燒，但係之前果晚燒得火熱0既手腳關節仍然超級酸軟，加上事先已知道28號冇日本人0係公司，所以「乘亂」攞左1日假，訓足一日之後感冒情況緩慢好轉。

29/MAR: 戴口罩返工，渾渾噩噩0係公司過左一日。當晚做秘魯。

30/MAR: 出差返左一日大陸（返大陸唔敢戴口罩，驚俾人捉去隔離同研究），同埋廠家成棚人出去食晏，當然冇得戒口，加上覆診0既藥食哂，覺得自己應該要好返，0係一時鬆懈之下甜、酸、辣、蒸、炒、炸樣樣食勻；當晚仲約大哥0係萬象城食和民，之後就返香港，去康健覆診，但果晚已經唔係27號睇我果個醫生。
醫療費：28.00（公司醫療保險診金）+40.00（特效藥）= 68.00
果陣只係覺得有喉嚨仲有D頂住頂住同有D咳，但我堅持呢D係康復0既過程之一，於下決心食埋呢次藥就算，要靠自己0既抵抗力"NGAU"（請以廣東話第3聲讀出）好佢。

31/MAR: 懶洋洋0係屋企過0左一日，喉嚨仲有D頂住頂住、有D咳、開始失聲。當晚開始趕秘魯。

01/APR: 去左海典灣同曉峰打網球，失聲。（全程戴住口罩。當中大哥曾經以有損儀容為理由要求我除口罩），當晚做秘魯。

02/APR: 戴口罩返工。秘魯方面開始全面進入「全開狀態」(即1900返屋企先訓2-3個鐘，最遲2200起身食晚飯，2300全力衝刺，最遲0400訓覺)，埋下復發的禍根。

03/APR: 一朝起身消失0左兩日都唔夠0既喉嚨痛又返番0黎我身邊，心知不妙。返工全日戴口罩，又食左幾匙川貝琵琶露。放工0係火車一時諗唔開，竟然決心要唔戒口，強行令唔聽話0既喉嚨屈服，於是0係大圍火車站前0既「小蜜蜂」又食牛什又食豬紅翅，秘魯方面又連續第二日進入「全開狀態」，喉嚨當晚（應該話係兒童節0既凌晨）決定全面叛變！

04/APR: 竟然喉嚨痛痛到醒左（竟然比平時早0左半個鐘起身），戴口罩返工，返公司前買左盒使立消喉糖，仲每個鐘"PAK"（請以廣東話第1聲讀出）1粒試圖安撫喉嚨重災區，可惜完全無效！無論食野同飲水都好痛，總算知道咩叫做「食不下咽」。放工後以最高速度返秦石搵「最強幫手」蔡醫生幫手，結果被診斷出原來我唔係出普通喉嚨痛，而係「慢性扁桃腺發炎」，醫生仲建議我開刀切左個扁桃腺佢，費事佢成日玩發炎。醫生開左一個星期份量0既藥比我（其實只有2隻藥），叫我一星期後覆診。
醫療費：300.00

05/APR: 「訓覺．飲水．撒尿」呢3個不斷循環0既動作就貫穿0左我4月4號晚同今日大半日0既生活。醫生D藥果然夠堅，雖然只得兩種藥，但配合果3種動作，今日我扁桃腺0既腫痛已經接近完全消失。

總括0黎講，呢10日0既我真係被病魔折磨得太死，希望我可以好好利用呢個「復活節假」0黎完成復活啦！！

新書包

大概一年前0係時代廣場0既tumi專門店第一次見到T3 Ducati Balance Backpack,登時被佢0既流線型設計深深吸引，只係當時0既價錢實在太貴,所以幾中意都冇計...一年後0係銅鑼灣崇光tumi專櫃再度重遇佢,發覺自己對佢仲未忘情之餘,又發現平左DD, 0係官網度Register左之後仲有3年保養, 所以最後就0係狗年0既年廿九帶左佢返屋企。


　↑　黑+紅0既配搭帶來唔錯0既觀感。黑色跣水尼龍料、紅色0既PVC料同埋特別設計0既拉鍊配合,起到一定程度0既防水效果。

　

　↑　TAG上寫住0既「hybrix nylon/polyester fabric」好似係TUMI0既專利質料，特點係耐磨損和耐污。（唔知落0係我手上又會有幾襟呢．．．）

　　　　
　↑　整個bag間隔都算幾實用。最近背脊果格可以用黎裝電腦、火牛、雜誌；大格裝飯盒、電包、銀包、psp、水壺；內格裝PDA；出面果格裝散紙、鎖匙等小東東。


　↑　出面果格裡面有一個幾特別0既磁石鎖匙扣。(磁力好強!!)


　↑　背脊同揹帶用0左軟綿綿、符合人體工學0既網狀護墊, 揹幾耐都唔會辛苦。(咦?好似賣緊「白色太陽鎗」廣告咁0既....)


而T3Ducati 同普通T3版就在於:
1. 跟左個Ducati扣


2. 0係bag0既兩邊寫住大大個Ducati
　　
3. 兩邊個大pad位加上手抽位外層由尼龍換成紅色PVC


當然,任何BAG都會有佢0既缺點:
1. 我覺得都幾致命....就係佢個FLAP位太薄啦, 除非夾硬將個BAG塞到爆一爆, 由裡面撐起撐實個FLAP, 否則一揹上去個FLAP位就會夾生被拉到摺埋一住, 久而久之出現左一條核突0既摺痕....真係睇到都心痛
(模擬照片)
2. D拉鍊唔算太好拉

3. 佢兩條揹帶之間距離都幾長(接近20cm), 可能想就老外身形, 如果你個膊唔夠橫0既話隨時會「跌膊」


4. 右揹帶上個拉鍊格作用好似唔係咁大。(個售貨員話可以用黎放電話,我心諗「部電話都要好細0下先得喎」....)

不過整體上我對佢都好滿意, 相信有一排都唔駛買背囊LU....

P.S. 原來有好多日本人出差都會用TUMI 0既BAG, 睇黎TUMI 0係日本都幾有名。

LINKS:
TUMI介紹:(維基百科)

TUMI官網:

DUCATI介紹: (維基百科)

T3 Ducati Balance Backpack:

TUMICITY:(日本)

打網球

不經不覺,打0左網球已經有成3年幾...由以前去每個星期去小C度打兩日,直至馬鐵起好哂而家搬返去曾大屋打;由最初一場打成5、6個波出街,一散場要撲出去執,直至而家實行「打唔見一個波罰廿蚊」都一個月罰唔到好幾次...至今一直都仲未厭, 絕對可以話係繼羽毛球、踩單車、保齡球同長跑後最有恆心KEEP住做0既運動之一。鍾意打網球可能係因為覺得呢項運動好有個人風格,0係同一個規則下你可以用上不同的打法和戰術,你亦可以根據你唔同0既性格、技巧等以唔同0既職業網球員為學習目標, 0係集各家之大成(其實只係模仿)0既過程都係一種樂趣。

倒如我會希望學到片中Sebastien Grosjean咁0既超級靚西方式正手擊球:


發球方面當然要封洛迪克(Andy Roddick )做偶像啦:
(佢0既251km/h全地球最高發球速度紀錄好似仲未有人破到)
請集中留意片中06:50-06:08 0既發球分析,左邊0既洛迪克0係慢鏡下開個波都咁Q快,姿勢又靚絕,華實兼備,我問你怕未?


反手我最欣賞梗係瀟灑到震0既FEDERER啦:

片中01:05-00:26, 單手反手上旋球,動作似足「天翔龍閃」...駛唔駛咁型先?

我一定要好好以佢地為目標好好加油...一定要加油啊!!!

男子網球世界排名:
http://www.atptennis.com/5/en/rankings/entrysystem/

女子網球世界排名:
http://www.sonyericssonwtatour.com/2/rankings/singles_numeric.asp

OTHER LINKS:
1) 想睇清楚球手0既動作,不妨0係YOUTUBE用"球手名(英文)"<隔一個SPACE>"SLOW"0黎search就有好多野睇架啦
2) 老邪兄長個TENNIS CLUB: http://www.tennisbond.com/

恭賀豬禧

各位好朋友，新一年又0黎啦！！今年係豬年，我祝大家心想事成，間中又可以好似豬咁少勞多得，甚至不勞而獲！！恭喜！恭喜！！

氣吞天下　　 佳偶天成　　　　天生神力　

0訓得．．．　　食得．．．　萬大事都．．．頂得！！！

豬年年初一0既大事主要有：

1. 今日原來係香港有史以來最熱0既年初一，最高有成攝氏25點幾度，0係電視見到有D猛男甚至著背心出街．．．同我地細個果陣要紥到成隻糉咁出街拜年實在太大分別啦．．．

2. 今晚7點有線新聞竟然有我「最喜歡0既女主播」頭兩名：紅卜卜Carmen同粉紅小公主沛然拍擋主持，簡直係我心目中0既「最強組合」，正呀！！！

P.S.原來日本0既豬年其實係「野豬年」，D野豬造型自然冇我地中國人0既豬豬咁可愛啦。

　　　　

MY GADGETS (this week)

原來每日都攞住咁多野返工....