東西鐵終於喺8月16日貫通，但對於我黎講除左個鐵路路線圖睇落完整D（U字型）之外，並無乜得益，相反忟到爆。因為時間難預左, 去到紅磡話就話過對面月台就可以轉車去尖東,但其實根本唔係次次時間夾得咁好, 唔好彩就要等成3分鐘。個月台又熱, 人又迫, 真係死得。放工時間仲要衰多幾錢重。加上我一直每日都搭住、由尖東站駁腳去我公司樓下既接駁巴士k16(總站南昌)又將會取消, 搞到「紅磡轉車+由尖東行返公司」已經成為我近期最討厭既動作之一, 嚴重影響上班心情。而為左唔用呢個討厭方法, 我最近試過2個方法:
1. 由柯士甸站行返公司: 條路係冇咁迫, 但係又係一條熱辣辣既路, 行完成身濕哂。
2. 由旺角搭2c去公司門口落車: 係就係好(佢穿過衛理道, 直出佐敦裕華, 再轉彎入港景峰, 之後到我公司門口), 不過就一定要準時8點25-30分喺巴士站等車, 否則一前一後2班車, 就會係「早10分鐘(0850)到公司門口」同「準時(0900)到公司門口」既分別。
唉, 總之就麻x煩係啦!!
4 則留言:
還以為你放棄了這裡，怎料按錯link竟看見update了，太感動了！
堅持下去吧，我會支持你的！
希望可以堅持啦.....
好開心可以令你感動。
沙中線好似做緊咨詢, 你可以盡早提出意見。
請記住：
「你我從此更近，一起帶動生活。」
「連繫更多目的地、體驗生活每一程。」
Connie：
我又o黎！
難得你有update，點都要o黎支持o下~~
其實我一待閒就入o黎睇o下，點知睇o左幾個月都令人失望，而家終於有新o野啦~~
發佈留言