回想起黎其實自己係好遲好遲先識打中文，猶記得中六做個人Project（果科叫Liberal Studies）都仲係要比份手寫稿比學校D師兄幫我打字、排版（當然要收$）。之後經過一番苦功總算學識左速成（講開打字我見過最快都仍然係黃老邪果手倉頡，真係好快）．．．其後得到各方好友關照得到「老翻」呢份Peru，就更加不斷要用到速成輸入法。但直至現在我仲有好幾個「速成死門」，就係成日都有機會打到，但又永遠唔記得個死人速成碼（淨係記一頭一尾都唔記得先至仆街！！），所以專登開篇文當同大家分享下之餘，亦到可以提醒自己（一唔記得就入個Blog睇）：
1/ 鶴： 人火SPACE6
一直以來用嘅アポ方法：用日文打つる轉成漢字了事
2/ 凸： 月尸1
一直以來用嘅アポ方法：喺yahoo香港字典打"Convex"然後將中文解釋Copy and Paste.
3/ 凹： 尸山3
一直以來用嘅アポ方法：喺yahoo香港字典打"Concave"然後將中文解釋Copy and Paste.
4/ 隸： 木水9
一直以來用嘅アポ方法：先打「奴」字然後攞佢個相關字「隸」，再DELETE返個「奴」
5/ 敷： 戈大6
一直以來用嘅アポ方法：喺google.com.hk打「*衍了事」．．．
6,7,8,9,10........../ 暫時唔記得，但一定仲有
相信隨住時間嘅流逝，死門會越來越多．．．
話時話唔知速成轉倉頡會有幾高難度呢．．．
4 則留言:
我見你好似提起我, 所以講一兩句。
謝謝你的抬舉, 不過我打倉頡好快的確是事實。這是我當了十年編輯的成果(之一)。早年我打得最快的字是"寵物小精靈", 之後是"數碼暴龍", 現在是"xx的科學"。三秒內應可打完。
我呢排經常o係商務見到一個少女在sell"五色倉頡學習法"的軟件, 強調怎樣熟習倉頡五個碼的準則, 可能o岩你用。少女頗健談, 可以傾下偈。
倉頡心法我只可以贈你四個字:熟能生巧, 當年試過在學校用一個冇中文字的keyboard打倉頡打了一日, 之後就慣了冇中文字的keyboard。所以如果你搵一日不停地用倉頡碼, 都應該有所成。
凸凹兩個字主要都是月、尸和山的組合。次序主要睇倉頡原作者的喜好。凸是┌┐ [ ],所以是月尸尸，凹是[ ] └┘,所以是尸尸山。撞多幾次就記得。
~有機會在桃花島再談~
打日文 , 查字典 , search google ... 都俾你諗到 , 你都好 creative 喎 . 我最多都係有時用普通話拼音 .
Ken Tennis
呢d叫做人急智生or人老精鬼老靈
當我遇上閣下所提到的情況時，通常我會直接以慣用的「易速成」來查字。由於在同一個輸入法內查字及打字，效率會較快。
本人另有較詳細的解說，若閣下有興趣的話，可到以下網址瀏覽：
http://oldoldseven.blogspot.com/2010/04/blog-post.html
發佈留言