香港再次回到日治時期

有一日放工行過尖沙咀清真寺對面0既巴士站，無意間見到一塊廣告燈箱，上面寫住D不很之所謂0既0野，本來都打算掂行掂過就算，不過離開左10米到始終到頂唔順，決定行返轉頭，拔出腰間0既相機影低佢比各位睇0下：
　　　

好心D人啦，日字港用本身已經唔係100%正當0既做法，今次仲離譜到「鑒粗」將D中文字用平假名標出0黎，真係想問下諗呢條橋出黎0既人打算將呢D平假名俾邊個睇?未學過日文0既人自然唔知佢UP乜；識日文0既人自然會鄙視佢；我相信最可能「LAI（請用廣東話第2聲讀出）0野」就係果D識得少少日文0既人，如果佢地去到日本，好可能會同D售貨員猛咁講「しゅうもこう」、「しゅうもこう」.....（最大鑊都係最後就算將「しゅうもこう」0既「漢字」寫出黎，D日本人都唔會知佢UP乜Q 0野）

費達拿0既10球靚波

講多無謂, 去片!!!

再上機...

經過左長達半個多月0既閉關奮戰, 終於「及時」將手上「山のようにたまっていた」0既翻譯工作清左, 聽日總算可以用輕鬆0既心情去日本出差一星期。話時話呢半個月真係好難捱, 本來日抖應付正職, 一放工再對秘魯開戰呢種PATTERN對我0黎講已經唔係新聞,但係今次最攞命0既就係失驚無神要去大陸出差2、3日, 完全upset哂我個schedule, 到左今個星期尾心情真係好緊張, 好彩最後0既一輪衝刺總算冇跌WATT，總算0係尋晚完成任務，仲SPARE0左個星期日出黎抖抖添。
順帶一提，呢兩個星期最好0既娛樂就梗係睇法國公開賽啦,直播0既時間都算OK架！！（星期日既10點仲有精華重播添）