2006年8月6號

今日，2006年8月6號，個人0黎講係一個非常值得紀念同慶祝０既日子。原因當然唔係D乜鬼0野廣島原爆61週年紀念呢D咁嚴肅０既事，而係小弟０係Yahoo麻將轉虧為盈０既大日子。自從上年差唔多時間(都係７月尾８月頭左右)由正數變成負數後，之後足足一年０既成績可以用「一蹶不振」０黎形容，最大鑊果陣一度出現-20000分，而我對yahoo麻雀０既熱情同鬥志亦一度跌落谷底．．．每次一睇見曙光，成到一舖清一色雞糊無幾耐，就馬上被對手用清一色平糊、甚至十三么等毀滅性０既招數回敬，做「包大人」（包人地12張自摸）更加係平常過平常．．．

０係呢段麻雀事業０既低潮期，我反覆檢討過自己０既打法同心理質素，發覺無乜大問題，對手亦唔係勁到可以令我每戰必敗０既程度。最後我得出一個結論：「行衰運！」於是我０係今年7月尾改０左個用０－左輸足成年０既用戶名同埋相，真係唔到你唔信邪，改０左名之後，做莊０既百分率提升之餘，一起手牌又靚０左，又好摸手０左，結果經過10多日０既苦心經營，終於憑住多次０既清一色同混對、一舖十三么、兩舖清對成功收復失地，今日更加用一舖小三元混對轉虧為盈！YEAH~~YEAH~~YEAH~~！！

<-- 能夠成功而漂亮咁轉虧為盈，全靠呢個新綽號。
　　多謝先！KURURU曹長！（雖然我覺得田中會更配合呢個綽號．．．）



我而家０既分數係6,800幾，希望可以有機會重上甚至突破一年前０既40,000幾分就好LU....