為0左星期一一朝早就可以去D廠家度開會, 0岩0岩過0左果個星期日下畫就同0左D日本客上定去大陸。當晚應酬完返到酒店房, 正在無所事事之際, 網上0既朋友仔提醒我睇勁歌頒獎, 我亦都見證到克勤再奪「最受歡迎男歌手」0既一刻!! 其實事前對呢個獎已經有多方揣測, 有人估劉華、有人估EASON, 但我由始至終都認為應該係克勤! 唔係因為我中意克勤先咁講, 實際上在過去一年, 克勤的確比佢其他競爭對手0係歌唱事業上有更大作為、進步, 所以佢得獎, 我只可以講一句:「實至名歸」!!
以下一段是克勤0係16號晚0係佢0既官方網頁中對歌迷0既留言:
昨晚真的很開心，一直開心到現在！ 謝謝你們的祝福，及昨晚人強馬壯的打氣團，能夠拿大獎不是我一個人的功勞，是要很多很多人的配合，天時地利人和，當然還有你們啦！我的歌迷「間唔中」都會叫得好「行」的，哈哈！ 今天沒有休息，要排舞，今次會跳得和以前不太一樣，會有一些驚喜給大家！阿姐和Kelly是初一嘉賓，校長是尾場，華仔？昨晚忘記了問他，只記得「屈」他做伴郎！
今年克勤得「最受歡迎男歌手」後, 爆出0左「會0係2006年內結婚」0既宣言, 將當晚氣氛推到高潮。
同類型0既「豪情壯語」,我仲諗到2001年許志安得「最受歡迎男歌手」果陣講0既「廚房宣言」; 仲有, 萬子1992年娶恬妞,0係電視城擺酒(無記全程直播整個喜宴, 仲冠名為《萬紫千紅喜迎親》) 果陣講果句「我0地三個人(計埋恬妞個女), 一條心、一條命!!」.....
其實有D 0野, 真係唔適宜當住咁多人面前講0架...兩個人心照咪得囉...
李克勤官方網頁: http://www.hackenleenet.com/index_flash.htm
9 則留言:
克人同劉華都係無記契仔,一人拎一年,對無記來講已經好公平了.仲記得十年前克人要陪四大天王在台上揭啤牌爭最受歡迎男歌星獎,見佢當時一臉無奈,到而家先吐氣揚眉.
講起01年的兩大最受歡迎男女歌星,在05年竟然齊齊在樂壇消聲匿跡.睇怕佢o地兩個都再冇機會一齊拎獎了...
我好記揭牌呢個公布方式！印象中好似玩咗最少兩年。記得有一年，係黎明攞，我個舊同學即刻打唻狂鬧，佢仲話佢家姐激動到喊，因為佢兩個係劉華fans。
你講0既係咪「廚房宣言」嗰屆？尋晚老鼠安話佢今年會努力喎！
nell san, 請問「老鼠安」個名0既出處係點0架?
傳聞早排「老鼠愛大米」首歌大熱，twins同許生爭唱廣東話版，當時許生0既歌唱事業無乜起息，傳媒就話佢想靠「老鼠」翻生，因而同佢改左個咁0既稱號。不過我覺得改呢個名最大0既原因，係傳媒唔鍾意佢囉，又唔見佢哋叫twins做「老鼠村士」！
有次我睇東張西望，報道許生攞傑青，影咗個花籃，好似係梁漢文同張衛健送俾佢0既，上款都寫「老鼠安」，超爆笑！
多謝nell san0既解說。我有一排都幾欣賞安仔, 不過佢最近呢幾年唔係太生性...佢同蘇永康有D似,其貌不揚又冇乜特殊才能(如演戲、作曲填詞等), 所以只有靠D同佢好夾0既歌帶紅佢,往往要等好耐;但相反,一有D負面新聞,佢就會一沉百踩....
講開老鼠安,我o係佢最高峰o個陣,仲帶埋康比去睇佢個真心真意演唱會添呀.
果然係物以類聚,老鼠安,梁炳,張衛健,蘇永康...四條佬而家都唔知做緊乜...
其實我知道好多年前佢已經叫老鼠安，因為佢班friend（即張衛健、蘇永康）話許志安個樣似老鼠．．．
我係蘭子呀~見到你個blog 成日講克勤，忍唔住要黎搭o下訕! (我都係佢o既粉絲呀)
我好贊成你o既講法，佢隻新碟o既誠意 + 去年殘酷一叮o既人氣，就已經實至名歸啦! 仲有佢o既結婚宣言，聽到真係好感動。
聽日會睇佢o既演唱會，好開心呀!
蘭子你好,
我都聽左兩晚「得手應手」演唱會, 發覺佢狀態麻麻...而且作為佢0既fans, 當然希望佢唱多d「滄海遺珠」0既歌啦, 可惜...
期待佢下次0既演唱會有更好表現.
發佈留言