日本東映戰隊系列真係由細睇到大、再又大睇到老.... 記得自己細細個跟住屋企人去新世界中心0既東急,就會衝去圖書部門狂刨一堆全日文0既兒童雜誌(有卡通片同特攝片最新劇情、又有小勞作送0個隻), 有時仲要買埋返屋企, 而戰隊片0係呢D兒童雜誌裡面都佔0左幾重0既篇幅....0係電視方面，由早期0既五勇士、皇牌特擊隊, 至到而家0既忍風戰隊, 香港電視史上雖然冇掀起過戰隊熱, 但亦都算係「怎」住播, 戰隊片持續成為香港電視史的一小部分, 其實都幾值得我0地多D了解0下:
通常戰隊系列0既因素有(歡迎增加)：
1. 戰隊片0係日本係晨咁早就播（例如星期日早上7點半）
2. 戰隊成員以男性為主,一個至兩個女成員，不過絕對唔會有男女感情線（怕教壞細路乎？）－－ 女成員戰鬥服顏色多數粉紅和黃色．但亦有藍色（如超獸戰隊0既藍豚戰士）
3. 敵軍大將總是面目猙獰，又會有一個口水多多０既「歡樂バカ」，成日串D剛剛被戰隊打敗0左0既幹部,當然唔少得一個衣著性感０既爆乳女幹部啦！！
4. 如果第一集開始是三人編制0既話，都咁上下就可能會有兩個新人加入，令戰隊成為五人編制
5. 明明被戰隊打死0左0既怪人係都要巨大化（鏡頭通常會先由下影向上，咁就表示巨大化0左0既怪人非常巨大，再由高空ZOOM住班戰隊，就表示0係巨大化怪人眼中D戰隊有幾細粒．．．），俾戰隊0既機械人正式打爆．．
6. 戰隊D機械人一定會0係故事中段「大破」（嚴重損毀），然後就會有新機出現，出現多部機變形合體0既盛況．．．
7. 每名戰隊成員都有正規裝備（如匕首、手鎗等），再按照個人0既特長加上專用武器。（如紅戰士用長身寶劍、力量型黑或黃戰士用斧頭、粉紅戰士用弓箭、啦啦隊指揮棒、新體操用0既絲帶棒等等），而「電擊戰隊」更開創0左將各人武器合體成一件用來了結怪人(Normal Size)的重型武器（通常是大砲）
8. 0係故事中後段有時會有一個懶係敵友難分0既獨行俠出0黎搞搞震，但冇幾耐又會死死地氣咁加入戰隊
9. 通常會有一個角色戰隊負責指揮同埋後勤工作, 佢可以係博士、樹精、甚至係一隻識講0野0既動物... (話時話, 有冇人知而家忍風戰隊0個個指揮官係隻乜動物?)
其實戰隊系列一早應該被淘汰啦，點解仲可以長拍長有呢？唔明．．．．最厲害0既係佢仲可以禍延埋美國0個邊，大家記得GO GO POWER RANGER嗎？OH SHIT!
東映戰隊Official Site: http://www.super-sentai.net/sentai/index.html
美國Power Ranger Official Site: http://tv.disney.go.com/jetix/powerrangers/index.html
P.S. 其實當年0係日研一班男仔都叫做探討過其中一部戰隊片0既劇情(應該係「人設」至0岩), 唔知大家記唔記得?
4 則留言:
果然好記性...不過冇獎 :P
喂，其實我唔係你地想像中咁得閒0架！！我只不過有一陣時比較閒姐．．．
早前因為工作關係, 我對近期戰隊都有o的心得, 不妨補充一下.
*因為戰隊宣揚的是團結精神,所以單是一個人是,實力非常之弱,和敵人單挑時通常都輸(雜卒除外)
*戰士們各自的機械人或戰車,通常唔會單獨出動,一出就五部一齊出,而且會即時合體成大機械人.
*機械人合體後,應該是用念力或聲音控制的.
*日本星期日朝早7:30做戰隊,然後8:00做幪面超人,此規格已維持了7年.我有一次7:55起身諗住睇幪面超人,點知開電視仲做緊戰隊,然後悶得滯搞到我目訓著o左,等到超人完o左我先起返身,非常悔恨.
*由於玩具商bandai要賺更多的錢,近年戰隊成員人數不斷攀升,5個主打,再加1~2個化敵為友的同伴,然後連指揮官,甚至敵人的幹部都會變身成戰隊成員的造型. 更甚者,是每個人都有一個power up形態,加加埋埋十幾二十款,儲玩具儲到窮. (至於戰隊機械人亦同一道理)
*而由於日本御宅族人數亦不斷攀升,所以現在一套戰隊片入面無論自己人或敵人幹部,都有不少於2個的女角,部份集數更會以水著亮相.
*日本每年都有戰隊的電影版上映,但只有半個鐘,而且是黐住幪超電影一起上的,迫幪超fan屎睇埋戰隊先準走.
*每年新舊戰隊交接時,都會拍返一套cross over特別篇,例如"百獸戰隊vs忍風戰隊",下一年就輪到"忍風戰隊vs爆龍戰隊",年年如是,毫無新意.有一年仲整o左一套25戰隊大集合,成25個紅戰士跑晒出o黎打,睇到眼都花.
解答:
*香港現時忍風戰隊的幹部好似是一隻會變成倉鼠的忍者大師.
*依家做戰隊的女角,無論臉孔和身材的要求都非常之高.依家無那種貨色,現在只能淪為二打六.
後話:
*你細個竟然可以買咁大本日文雜誌返屋企,睇o黎你都幾有米.
*傳聞有一套AV版戰隊,叫做"爆乳戰隊",麻煩去bt group搵一搵.
早前因為工作關係, 我對近期戰隊都有o的心得, 不妨補充一下.
*因為戰隊宣揚的是團結精神,所以單是一個人是,實力非常之弱,和敵人單挑時通常都輸(雜卒除外)
*戰士們各自的機械人或戰車,通常唔會單獨出動,一出就五部一齊出,而且會即時合體成大機械人.
*機械人合體後,應該是用念力或聲音控制的.
*日本星期日朝早7:30做戰隊,然後8:00做幪面超人,此規格已維持了7年.我有一次7:55起身諗住睇幪面超人,點知開電視仲做緊戰隊,然後悶得滯搞到我目訓著o左,等到超人完o左我先起返身,非常悔恨.
*由於玩具商bandai要賺更多的錢,近年戰隊成員人數不斷攀升,5個主打,再加1~2個化敵為友的同伴,然後連指揮官,甚至敵人的幹部都會變身成戰隊成員的造型. 更甚者,是每個人都有一個power up形態,加加埋埋十幾二十款,儲玩具儲到窮. (至於戰隊機械人亦同一道理)
*而由於日本御宅族人數亦不斷攀升,所以現在一套戰隊片入面無論自己人或敵人幹部,都有不少於2個的女角,部份集數更會以水著亮相.
*日本每年都有戰隊的電影版上映,但只有半個鐘,而且是黐住幪超電影一起上的,迫幪超fan屎睇埋戰隊先準走.
*每年新舊戰隊交接時,都會拍返一套cross over特別篇,例如"百獸戰隊vs忍風戰隊",下一年就輪到"忍風戰隊vs爆龍戰隊",年年如是,毫無新意.有一年仲整o左一套25戰隊大集合,成25個紅戰士跑晒出o黎打,睇到眼都花.
解答:
*香港現時忍風戰隊的幹部好似是一隻會變成倉鼠的忍者大師.
*依家做戰隊的女角,無論臉孔和身材的要求都非常之高.依家無那種貨色,現在只能淪為二打六.
後話:
*你細個竟然可以買咁大本日文雜誌返屋企,睇o黎你都幾有米.
*傳聞有一套AV版戰隊,叫做"爆乳戰隊",麻煩去bt group搵一搵.
- 小衛哥哥0既數據果然厲害,佩服佩服。
- 爆乳戰隊(2003年末0既作品)之前睇過0下,我而家都只係得一個兩分鯪鐘0既TRIAL TRACK...(一路播片段一路播主題曲, 類似MTV 0個隻)
- 在光戰隊中分飾美緒同イガム0個位姐姐叫淺見美那
發佈留言